Бұл тарихи сәт елордалық клуб үшін ғана емес, Қазақстан футболы үшін де ерекше оқиға болды. Томасов бірнеше жылдан бері «Астананың» басты көшбасшыларының бірі ретінде команда табысына өлшеусіз үлес қосып келеді. Оның тұрақты ойыны, шешуші сәттердегі мергендігі және тәжірибесі клубтың көптеген трофейлерді жеңіп алуына себеп болды. 

«Алтайға» қарсы кездесуде «Астана» 4:1 есебімен сенімді жеңіске жетті. Ал Томасовтың мерейтойлық голы матчтың ең есте қаларлық сәтіне айналды. 

100 голдық межені бағындыру – кез келген футболшы үшін үлкен жетістік. Әсіресе, шетелдік ойыншының Қазақстандағы бір клубтың тарихында осындай көрсеткішке жетуі оның кәсібилігі мен тұрақтылығының айқын дәлелі.