600 грек жанкүйері Астанаға жетті: бұл матчқа қызығушылық жоғары
Матчтың басталуына санаулы минуттар қалды. Стадионға жан-жақтан ағылып жатқан жанкүйерлер легі үдей түсті. Айта кетерлігі, Грекиядан арнайы келген «Олимпиакос» клубының 600-дей жанкүйері Астана Аренаға жетіп, өз секторларын безендіріп, қызу дайындық үстінде.
Әрине, біздің жанкүйерлер де ешкімнен қалысар емес. Қолдаушылар тарапынан ерекше атмосфера сезіліп тұр. Көрермендердің қызу қолдауы ойынның айрықша қызықты өтетінін аңғартады.
Астана Аренада көп ұзамай Әлем чемпионатының ресми әнұраны шырқалып, тартысты кездесудің шымылдығы түрілмек.
